Програма за вино

Македонското вино... Приказната на македонското вино е приказна со безброј ликови, вкусови и тајни на рецептите кои традиционално со векови се пренесуваат од генерација на генерација. Специфичноста на секое зрно грозје со кое се гради и најголемата тајна на вкусовите на вината од Македонија е сонцето и бескрајната природна убавина. Историјата вели дека на овие простори виното датира уште од античките времиња како омилен пијалак на кралевите Филип Втори и неговиот син Александар Велики.
Во пишаните факти на историјата виното е наведено како ценет пијалак и за време на Римската Империја. Но својата главна позиција виното ја зазема со доаѓање на Христијанството, каде преку Светата Тајна “Причест” е претставено како КРВТА БОЖЈА.
Фактот дека Македонија има мошне поволни услови за одгледување на грозје од кое се произведува вино го прави едно од најпроизведуваните пијалаци.
Можеби токму ова е знакот кој го чекавте за конечно да започнете со сопствено произдвоство на вино!